१५ असार, काठमाडौं । बझाङको छबिसपाथिभेरा गाउँपालिकाको मतगणना स्थल मै सत्तारुढ माओवादी केन्द्र र प्रतिपक्षी नेकपा एमालेका कार्यकर्ताहरुबी झडप भएको छ । मतगणना शुरु हुने बेला एमाले र माओवादी कार्यकर्ताबीच झडप हुँदा ५ जना घाइते भएका छन् ।
माओावादीको कार्यकर्ताहरुले एमालेका कार्यकर्तामाथि धारिलो हतियार प्रहार गरेका थिए । अनेरास्ववियुका महासचिव ऐन महरले माओवादी केन्द्रका समानुपातिक सांसद जनक बुढाको नेतृत्वमा लुकेर आक्रमण गरेको जानकारी दिए ।
मतदान केन्द्र बाहिर आपसी बिबादमा घरेलु हतियार सहित झडप भएको प्रमुख जिल्ला अधिकारी केशबहादुर थापाले जानकारी दिए । उनका अनुसार झडपमा एमालेका २ कार्यकर्ता र २ जना म्यादी प्रहरी समेत घाइते भएका छन् ।
घाइतेलाई उपचारका लागि जिल्ला अस्पतालमा ल्याउदै गरिएको र आक्रमणमा संलग्न ९ जनालाई पक्राउ गरिएको प्रजिअ थापाले बताए । केही धारिला हतियार समेत बरामद भएका छन् ।