काठमाडौं । प्रतिनिधि सभा सदस्य निर्वाचन अन्तर्गत काठमाडौं क्षेत्र नम्बर २ मा राष्ट्रिय स्वतन्त्र पार्टी (रास्वपा) का उम्मेदवार सुनिल केसीले फराकिलो अग्रता कायम राखेका छन्।
दिउँसो ३:२० बजेसम्म शंखरापुर नगरपालिका वडा नं १, २, ३, ४, ५, ६, ७, ८ र ९ का साथै कागेश्वरी मनोहरा नगरपालिका वडा नं ४ र ५ को मतगणना सम्पन्न भएको छ।
हालसम्मको मतपरिणाम अनुसार केसी (घण्टी) ले १० हजार ४७४ मत प्राप्त गरेका छन्। उनका निकटतम प्रतिस्पर्धी कबिर शर्मा (रुख) ले ३ हजार २७९ मत प्राप्त गरेका छन्।
त्यसैगरी अन्य उम्मेदवारहरूले कुन्ती पोखरेल (हलो) २ हजार १४५, मणिराम फुयाल (सूर्य) १ हजार ७२६ र नितेश पौडेल (तारा) १ हजार १७९ मत पाएका छन् ।
मतगणना अझै जारी रहेकाले अन्तिम परिणाम आउन बाँकी रहेको निर्वाचन अधिकृतहरूले बताएका छन्।