मुस्ताङ : प्रतिनिधि सभा सदस्य निर्वाचनअन्तर्गत मुस्ताङबाट नेपाली कांग्रेसका उम्मेदवार योगेश गौचन थकाली विजयी भएका छन्।
एउटामात्र निर्वाचन क्षेत्र रहेको मुस्ताङमा थकालीले ३ हजार ३०७ मत प्राप्त गर्दै जीत हासिल गरेका हुन्। उनका निकटतम प्रतिस्पर्धी नेकपा एमालेका उम्मेदवार इन्द्रधारा विष्टले १ हजार ८०६ मत प्राप्त गरेको मुख्य निर्वाचन अधिकृतको कार्यालयले जनाएको छ।
थकाली यसअघि २०७९ सालको प्रतिनिधि सभा सदस्य निर्वाचनमा पनि यही क्षेत्रबाट विजयी भएका थिए। त्यतिबेला उनले ३ हजार ९९२ मत प्राप्त गरेका थिए।
११ हजार ३२८ मतदाता रहेको मुस्ताङमा यसपटक ६ हजार ३९७ मत खसेको थियो।