काठमाडौँ । विशेष अदालतले स्वास्थ्य सेवा विभागकी तत्कालीन महानिर्देशक तथा पूर्वस्वास्थ्य सचिव डा. संगिता कौशल मिश्रालाई ५ लाख रुपैयाँ धरौटीमा मागेको छ ।
विशेष अदालतका न्यायाधीशहरू नारायणप्रसाद पौडेल, डिल्लीरत्न श्रेष्ठ र विदुर कोइरालाको संयुक्त इजलासले पछि ठहरेबमोजिम हुने गरी पुर्पक्षका लागि धरौटीमा छाड्न आदेश दिएको हो ।
अख्तियार दुरुपयोग अनुसन्धान आयोगले आर्थिक वर्ष २०८०/८१ मा म्यामोग्राफी मेसिन खरिदमा ठेकेदारसँग मिलेमतो गरी अस्वाभाविक लागत अनुमान बनाइएको, झुट्टा बिल र गलत प्रतिवेदनमार्फत भुक्तानी गरिएको आरोपमा भ्रष्टाचार मुद्दा दायर गरेको थियो।
आयोगले ठेक्का सम्झौता विपरीत सामग्री नआउँदै भुक्तानी गरिएको दाबी गर्दै करिब १४ करोड रुपैयाँ बिगो माग गरेको छ।