नेपाल लाइफको म्युचुअल फण्डले पायो धितोपत्रबोर्डबाट स्वीकृति, १ अर्ब ६० करोडको फण्ड जारी गर्न

काठमाडौं । नेपाल लाइफको म्युचुअल फण्डले धितोपत्रबोर्डबाट स्वीकृति पाएको छ ।

कोष प्रवर्धक नेपाल लाइफ इन्स्योरेन्स कम्पनी लिमिटेड र योजना व्यवस्थापक नेपाल लाइफ क्यापिटल लिमिटेड रहेको “ नेपाल लाइफ समृद्धि लगानी योजना (Nepal Life Samriddhi Lagani Yojana) नामक सामूहिक लगानी कोष सेबोनद्वारा स्वीकृत
कोष प्रवर्धक नेपाल लाइफ इन्स्योरेन्स कम्पनी लिमिटेड र योजना व्यवस्थापक नेपाल लाइफ क्यापिटल लिमिटेड रहेको “नेपाल लाइफ समृद्धि लगानी योजना (Nepal Life Samriddhi Lagani Yojana) नामक सामूहिक लगानी कोषले आफ्ना इकाईहरु बिक्रिमा ल्याउने भएको हो  ।

नेपाल धितोपत्र बोर्डबाट आइतबार प्रति इकाई अंकित मूल्य रु. १० दरको १६ करोड इकाईले हुन आउने कुल अनुमति प्राप्त भएको हो ।

नेपाल लाइफ इन्स्योरेन्स कम्पनी लिमिटेडको यो पहिलो बन्दमुखी योजना हो र यसको अवधि १० वर्षको रहेको छ ।

निष्काशन हुन लागेको नेपाल लाइफ समृद्धि लगानी योजनाको ईक्रा नेपाल लिमिटेडबाट कोष प्रबद्र्घको लागि रेटिङ्ग “[ICRANP-IR] AA- [High degree of safety regarding timely servicing of financial obligation] प्राप्त गरेको र योजना व्यवस्थापकको लागि “[ICRANP] AMC Quality 3 (AMC3)” [Adequate assurance on management quality] प्राप्त गरेको छ ।

फण्ड बिक्रीबाट संकलित रकम धितोपत्र बोर्डमा दर्ता भएको धितोपत्र, सार्वजनिक निष्काशन भएको धितोपत्र, धितोपत्र बजारमा सूचीकृत धितोपत्र, बैंक निक्षेप, मुद्रा बजार उपकरण, नेपाल सरकारले जारी गरेका वा नियन्त्रणमा रहेको कुनै संस्थाले जारी गरेको ऋणपत्र, ट्रेजरी विल तथा मुद्रा बजारका अन्य साधनहरुमा निष्काशन पश्चात् लगानी गर्ने कम्पनीले उल्लेख गरेको छ ।

योजना व्यवस्थापकद्घारा सम्पूर्ण प्रक्रियाहरु सम्पन्न गरी चाड्रैं नै सर्वसाधारणहरुको लागि इकाईहरु बिक्रिमा ल्याउने जानकारी पनि दिएको छ ।