ई- आर्थिक, काठमाडौं । नेपाल राष्ट्र बैंकले दशैंको अवसरमा बैंक नोटको संरक्षण गर्न र सकभर डिजिटल माध्यमबाट दक्षिणा दिन सर्वसाधारणलाई आग्रह गरेको छ।
राष्ट्र बैंकका अनुसार, टीका, जमरा र दक्षिणा दिने क्रममा नोटमा जल, चन्दन, अक्षता, अबिर जस्ता सामग्री नलगाउने र सफा-सुक्खा स्थानमा नोट राख्ने बानी बसाल्न जरुरी छ। यसले नोटको आयु बढाउन र छपाइ खर्च घटाउन मद्दत गर्छ।
सफा नोट प्रयोगले लेनदेन सहज बनाउने र स्वास्थ्यमा हुने किटाणुजन्य जोखिम पनि कम गर्ने राष्ट्र बैंकको भनाइ छ।
दशैंमा उत्सवको साथसाथै जिम्मेवार बनेर नोटको संरक्षण गरौं र डिजिटल माध्यमलाई प्राथमिकता दिऔं, भन्ने सन्देश राष्ट्र बैंकले सार्वजनिक गरेको छ।
