ई-आर्थिक, काठमाडौं । आज घटस्थापना दिन सार्वजनिक विदा भएपनि नेपाल राष्ट्र बैंकको भुक्तानी प्रणाली विभागले रियल टाइम ग्रस सेटलमेन्ट (RTGS) प्रणाली नियमित रूपमा सञ्चालन गरेको छ र
बैंकले जारी गरेको सूचनामा उक्त दिन बिहान १०:०० बजेदेखि अपराह्न ४:०० बजेसम्म यो प्रणाली सञ्चालन हुने स्पष्ट गरिएको छ। भुक्तानी प्रणाली विभागका अनुसार, सार्वजनिक बिदाको दिन पनि वित्तीय कारोबार सहज बनाउनका लागि आरटीजीएस प्रणाली सञ्चालनमा राखिने निर्णय गरिएको हो।
आरटीजीएस प्रणाली उच्च मूल्यका भुक्तानी तथा रकम स्थानान्तरणका लागि प्रयोग गरिने बैंकिङ सेवा हो, जसअन्तर्गत कारोबारकर्ताले तत्कालै खातामा रकम प्राप्त गर्न सक्ने व्यवस्था हुन्छ।
नेपाल राष्ट्र बैंकले यस सूचनामार्फत सम्बन्धित सबै बैंक, वित्तीय संस्था तथा सेवाग्राहीलाई जानकारी गराउँदै उक्त दिन सेवा लिन अनुरोध गरेको छ।