ई-आर्थिक, काठमाडौं । नेपालमा टेलिग्राम एप बन्द गरिएको छ । नेपाल दूरसंचार प्राधिकरणले नेपालमा टेलिग्राम एप बन्द गराएको हो ।
नेपाल दुरसंचार प्राधिकरणले सूचना जारी गर्दै सेवा प्रदायकहरुलाई टेलिग्राम एपको पहुँचमा तत्काल रोक लगाउन निर्देशन दिएको हो ।
अनलाइन फ्रडको संख्या निरन्तर बढिरहेको र मनि लाउन्डरिङजस्ता गम्भीर अपराधमा संलग्नतासमेत रहेको बुझिन आएकाले टेलिग्राम तत्काल बन्द गरिएको प्राधिकरणले जानकारी दियो ।
‘नेपालमा सञ्चालनमा रहेको टेलिग्राम एपमार्फत अनलाइन फ्रडको संख्या निरन्तर बढिरहेको र मनी लाउण्डरिङ जस्ता गम्भीर अपराधमा संलग्नता समेत रहेको बुझिन आएकोले उक्त एपको पहुँचमा तत्काल रोक लगाउने/बन्द गर्ने व्यवस्थाका लागि सम्बन्धित सबै दूरसञ्चार सेवा प्रदायकहरूलाई निर्देशन गरिएको छ’ प्राधिकरणले जारी गरेको सूचनामा भनिएको छ।
प्रधानमन्त्री तथा मन्त्रिपरिषद्को कार्यालयले समेत टेलिग्राम बन्द गर्ने राय दिएको थियो।
