ई-आर्थिक, काठमाडौं । पेट्रोलियम पदार्थको मूल्य बढेको छ । नेपाल आयाल निगमका अनुसार मंगलबारबाट लागू हुने गरी पेट्रोलमा ५ रुपैयाँ र डिजेल तथा मट्टितेलमा ४ रुपैयाँ मूल्य बढेको बतायो ।
पेट्रोलियम पदार्थमा उच्च मूल्यवृद्धि भएको हो । नेपाल आयल निगमले साेमबार प्रेस विज्ञप्ति जारी गर्दै यसबारेमा जानकारी दिएकाे हाे । निगमले एलपी ग्यासको खुद्रा मूल्य यथावत राखेको छ ।
त्यस्तै आन्तरिक हवाई इन्धनमा ७ रुपैयाँ र अन्तर्राष्ट्रिय हवाई इन्धनमा प्रति किलोलिटर ६० डलर मूल्य बढेको छ ।
बजारमा पेट्रोलको मूल्य पहिलो वर्ग देखि चौथो वर्ग सम्म १६२.५० देखि १६५ रुपैयाँसम्म पर्छ भने डिजेलको नयाँ मूल्य १४६ रुपैयाँ देखि १४९ रुपैयासम्म पर्नेछ ।
