ई-आर्थिक, काठमाडौं । नेपाली बजारमा सुनको मूल्यमा उतारचढाव कायम रहेको छ । साताको अन्तिम दिन आज सुनको मूल्यमा भारीमात्रामा गिरावट आएको हो ।
बजारमा आज सुन प्रतितोला २९ सय रुपैयाँले घटेको नेपाल सुनचाँदी व्यवसायी महासंघले जनाकारी दियो ।
सुन प्रतितोला १ लाख ८९ हजार ४ सय रुपैयाँमा कारोबार भैरहेको महासंघले बतायो ।
बिहीबार सुन प्रतितोला १ लाख ९२ हजार ३ सय रुपैयाँमा कारोबार भएको थियो ।
आज चाँदीको मूल्य पनि प्रतितोला १० रुपैयाँले घटेको छ । आज चाँदी प्रतितोला २ हजार १ सय ६५ रुपैयाँमा कारोबार भइरहेको छ ।
बिहीबार चाँदी प्रतितोला २ हजार १ सय ७५ रुपैयाँमा कारोबार भएको थियो ।