ई-आर्थिक, काठमाडौं । नेपाली बजारमा भारीरुपमा सुनको मूल्य बढ्दै एतिहासिक रेकर्ड राखेको छ । सुन बजारमा प्रतितोला ५ हजार ७ सय रूपैयाँले वृद्धि हुँदै भएको छ ।
सुनको मूल्य हालसम्मकै उच्च रहदै प्रतितोला एक लाख ८१ हजार एकसय रूपैयाँ कायम भएको नेपाल सुनचाँदी महासंघले जानकारी दियो ।
केही दिनएता लगातार घटिरहेको सुनको मूल्य बुधबार पुन: उकालो लागेको थियो। बुधबार सुन प्रतितोला एक लाख ७५ हजार चारसय रूपैयाँमा कारोबार भएको थियो।
यसअघि चैत २१ मा सुन उच्च मूल्य प्रतितोला एक लाख ८० हजार ३ सय रूपैयाँमा कारोबार भएको थियो।
बिहीबार चाँदीको मूल्य पनि प्रतितोला ६५ रूपैयाँले बढेर प्रतितोला एक हजार ९ सय रूपैयाँ पुगेको छ।
सुन प्रतितोला आज १ लाख ८१ हजार १ सय रुपैयाँमा कारोबार भइरहेको छ । बुधबार प्रतितोला १ लाख ७५ हजार ४ सय रुपैयाँमा कारोबार भएको थियो ।
अन्तर्राष्ट्रिय बजारमा पनि सुन मूल्य बजारमा बढेको छ । कतिपय अन्तर्राष्ट्रिय मिडियाहरूले अमेरिकी राष्ट्रपति डोनाल्ड ट्रम्पले बुधबार ७५ भन्दा बढी देशहरूमाथि लगाइएको पारस्परिक भन्सार शुल्क ९० दिनका लागि रोकेपछि सुनको मूल्य बढेको उल्लेख गरेका छन् ।