ई-आर्थिक, काठमाडौं । आइएमई लाइफ इन्स्योरेन्सले आफ्ना शेयरधनीलाई दुई वर्षमा ४७.३६ प्रतिसत लाभांश दिएको छ ।
प्रिमियममा आइपिओ निष्काशन गरेरे पूँजीकोष बलियो बनाएको आइएमई लाइफले पछिल्लो दुई आर्थिक वर्षमै शेयरधनीलाई ४७.३६ प्रतिसत लाभांश दिएको हो । अघिल्लो आर्थिक वर्षमा २५ प्रतिसत बोनस शेयर र बोनस शेयरमा लाग्ने कर प्रयोजनका लागि १.३१ प्रतिसत नगद लाभांश दिएको थियो ।
नेपाल बीमा प्राधिकरणले निर्धारण गरेको न्युनतम चुक्ता पूँजी ५ अर्ब सहजै पुर्याएको आइएमई लाइफले यस वर्ष २१.०५ प्रतिसत नगद लाभांश दिएको छ । जुन शेयरधनीहरुको अपेक्षा पनि गरेका थिएनन् । कम्पनीले मुनाफा तथा जगेडा कोषबाट एक अर्ब ५ करोड रुपैयाँ नगद वितरण गर्ने भएको हो ।
व्यवसायीहरु आर्थिक मन्दीको चपेटामा परिरहेको अवस्थामा यसरी कम्पनीले नगद लाभांश वितरण गर्दा शेयरधनीले ठुलो राहात प्राप्त गर्ने छन् ।