काठमाडौं : नेपाल राष्ट्र बैंकको संयोजनमा मन्जुश्री फाइनान्स लिमिटेडले आफ्नो विभिन्न शाखाहरुमार्फत् वित्तीय साक्षरता कार्यक्रम सम्पन्न गरेको छ । ग्लोबल मनी वीक २०२४ अन्तर्गत फाइनान्सले आफ्नो २७ वटै शाखाबाट देशैभरी सो कार्यक्रम साताव्यापी रुपमा संचालन गरेको हो ।
सो कार्यक्रमबाट देशभरका नौ सयभन्दा बढी युवा प्रत्यक्ष रुपमा लाभान्वित भएको फाइनान्सले जनाएको छ । मन्जुश्री फाइनान्सले डिजिटल कारोबारको युगमा ग्राहकले पूर्णरुपले सचेत भई बैंकिङ गर्नुपर्छ भन्ने सन्देशमूलक सूचनाका साथमा आफ्ना शाखाहरुबाट सो कार्यक्रम सफलतापूर्वक सञ्चालन गरेको हो ।
फाइनान्सले डिजिटल बैंकिङको रुपमा निःशुल्क डेबिट कार्ड, मोबाइल बैंकिङ सेवा, अनलाइन खाता खोल्ने सुविधा, आदि उपलब्ध गराउँदै आएको छ ।