ई–आर्थिक, काठमाडौं । बेष्ट फाइनान्स कम्पनीले वीरगञ्जमा आफ्नो १७औं शाखा सञ्चालनमा ल्याएको छ । वीरगञ्जमा सञ्चालनमा ल्याइएको उक्त शाखा मधेश प्रदेशमा कम्पनीको पहिलो रहेको बताइएको छ ।
वीरगञ्जको घण्टाघर लिंकरोडमा शाखा सञ्चालनमा ल्याई वित्तीय कारोबार शुरू गरिएको कम्पनीको भनाइ छ । वीरगञ्ज महानगरपालिकाका मेयर राजेशमान सिंह र संस्थाका अध्यक्ष खिमलाल पौडेलले संयुक्त रूपमा उक्त शाखाको उद्घाटन गरेका हुन् ।
शाखा उद्घाटन कार्यक्रममा वीरगञ्जका व्यवसायी, उद्योगी, सामाजिक अगुवा लगायतको उपस्थिति थियो ।
असोज महीनाभित्रै १८औं शाखाको रूपमा सुनसरीको इटहरीमा शाखा सञ्चालनमा ल्याइने कम्पनीले जानकारी दिएको छ । निकट भविष्यमा सुर्खेत र धनगढीमा पनि शाखा सञ्चालनमा ल्याउने कम्पनीको तयारी छ ।