ई–आर्थिक, काठमाडौं । नेपाल राष्ट्र बैंकको सञ्चालकमा दुई नयाँ सञ्चालकलाई नियुक्त गरिएको छ । मन्त्रिपरिषद्को निर्णयले डा.शंकरप्रसाद आचार्य र चिन्तामणि शिवाकोटीलाई नियुक्त गरेको हो ।
आचार्य नेपाल राष्ट्र बैंकका पूर्वकार्यकारी निर्देशक हुन भने शिवाकोटी पूर्व डेपुटी गभर्नर हुन् ।
राष्ट्र बैंकका सञ्चालकद्वय श्रीराम पौडेल र रामजी रेग्मीको पदावधि गत वैशाखमा सकिएको थियो । सो बेलादेखि रिक्त रहेको संचालकहरु अहिले नियुक्त गरेको हो ।
राष्ट्र बैंकको सञ्चालकको लागि चिन्तामणी सिवाकोटी, डा. शंकरप्रसाद आचार्य र दिलीप ढुंगानाको नाम सिफारिस भएको थियो ।