ई–आर्थिक, काठमाडौं । क्रिप्टोकरेन्सीको कारोबार सम्बन्धि विभिन्न धारणाहरु आइरहेको बेलामा यस विषयमा राष्ट्र बैंकले आफ्नो आधिकारिक धारणा बाहिर ल्याएको छ । क्रिप्टोकरेन्सीलाई नेपाल राष्ट्र बैंकले गैरकानुनी भन्दै सर्बसाधारणलाई कारोबार नगर्न समेत राष्ट्र बैंकले सूचित गरेको छ ।
एक सूचना जारी गर्दै राष्ट्र बैंकले भनेको छ, ‘क्रिप्टोकरेन्सी गैरकानुनी हो, कारोबार गर्न र नगराउन आग्रह गर्दछौं ।’ राष्ट्र बैंकले यसलाई बेवास्ता गर्दै कारोबार गरे कानुन अनुसार कारबाही समेत गरिने चेतावनी दिएको छ ।
पछिल्लो समय क्रिप्टोकरेन्सीको कारोबार, प्रयोगमा संलग्न हुन प्रोत्साहन गर्ने गरेको पाइएको बैंकका कार्यकारी निर्देशक रामु पौडेलद्वारा जारी सूचनामा भनिएको छ । विदेशी विनियम (नियमित गर्ने) ऐन, २०१९ ले दिएको अधिकार प्रयोग गरी यो सूचना जारी गरिएको राष्ट्र बैंकले जनाएको छ ।
क्रिप्टोकरेन्सीबाट सर्वसाधारणहरु ठगिएका गुनासाहरु समेत आएको राष्ट्र बैंकले बताएको छ ।