ई–आर्थिक, काठमाडौं : ५० हजार घुससहित पक्राउ परेका सव–इन्जिनियरलाई अख्तियार दुरुपयोग अनुसन्धान आयोगको टोलीले अनुसन्धान गरिरहेको जानकारी दिएको छ ।
पर्यटन विकास आयोजना बागमती प्रदेश हेटौडा मकवानपुरका सव इन्जिनियर नेत्र प्रसाद लामिछानेलाई घुस रकमसहित पक्राउ गरेको थियो ।
सेवाग्राहीसँग निर्माण कार्य सम्पन्नपछि धरौटी रकम भुक्तानी दिने प्रयोजनका लागि रकम माग गरेको सूचनाका आधारमा उनकै कार्यालय परिसरबाट आयोगको टोलीले नियन्त्रणमा लिएको थियो ।
उक्त घटनाका सम्बन्धमा अख्तियार दुरुपयोग अनुसन्धान आयोगले थप अनुसन्धान गरिरहेको जानकारी दिएको छ ।