ई–आर्थिक, काठमाडौं । पछिल्लो समय निरन्तर उकालो लाग्दै गएको सुनको भाउ सोमबार पनि बढेर रेकर्ड ब्रेक गरेको छ। आज एकै दिन सुनको भाउ प्रतितोला १२ सय रुपैयाँले बढेको छ ।
नेपाल सुन चाँदी व्यवसायी महासंघका अनुसार सोमबार सुन तोलाको ९७ हजार ५०० रुपैयाँमा कारोबार भएको छ । आइतबार सुनको मूल्य तोलामा ९६ हजार ३०० मा कारोबार भएको थियो । यसैगरी आज तेजावी सुनको मूल्य ९७ हजार ६० रुपैयाँ कायम भएको छ ।
यस्तै चाँदीको मूल्य प्रतितोला १२ सय १० रुपैयाँमा कारोबार भएको महासंघले जनाएको छ । हिजोको तुलनामा चाँदी ५५ रुपैयाँले बढेको हो। आइतबार चाँदी प्रतितोला ११ सय ५५ रुपैयाँमा कारोबार भएको थियो।