एउटै वडाका उम्मेदवार कृष्ण र टंक तथा वीचमा आमा सन्तु । तस्बिर: लक्ष्मण ढुंगाना
दुवैजना छोरा आमाको भोटको आसमा
बर्दियाः कसैलाई उम्मेदवार नपाएर चिन्ता, कसैलाई पाएर । एउटै पदमा एउटै वडाबाट दुई छोराले फरक फरक पार्टीको टिकट पाएपछि अहिले ८७ वर्षीया सन्तु अधिकारीलाई चिन्ता परेको छ । आफ्नो कोखबाट जन्मेका दुवै छोरा उम्मेदवार बनेपछि कसलाई भोट हाल्ने चिन्ताले पनि उनलाई पिरोलेको छ ।
जेठ ३१ गते हुने दोस्रो चरणको निर्वाचनमा गुलरिया नगरपालिका वडा नम्बर २ को वडाअध्यक्ष पदमा नेपाली काङ्ग्रेसका तर्फबाट जेठो छोरा कृष्ण अधिकारी र नेकपा एमालेको तर्फबाट कान्छो छोरो टंकले उम्मेदवारको टिकट पाएपछि आमालाई धर्मसंकट परेको हो ।
२०१५ सालदेखि यताका हरेक निर्वाचनमा उत्साहित हुँदै मतदान गरिरहेकी सन्तुले यसपटकको स्थानीय तहको निर्वाचनमा मतदान गर्ने इच्छा नभएको बताइन् । ‘निर्वाचनको दिन बिरामी भएर मत हाल्न नसकेको भए हुने थियो’, उनले गम्भीर हुँदै भनिन्, ‘मेरो लागि दुवै छोरा बराबर हुन्, कसलाई नजिकको ठानेर मत दिनु, मेरो आत्मा रोइरहेको छ ।’
दाजुभाइबीचको चुनावी लडाइँबीचमा यी आमा अहिले सङ्कटमा छिन् । ‘दाजुभाइवीचको चुनावी लडाइँमा म आमालाई नपारेको भए हुने थियो’, उनले भनिन् । त्यसो त दुवै छोराले उम्मेदवारको टिकट पाएकोमा खुसी मिलेको छ यी आमालाई ।
राजनीतिक दलबीच दुवै छोरा लोकप्रिय भएकोमा गौरवान्वित महसुस गरे पनि यति बेला कुन् छोरालाई भोट दिने र कसलाई मत माग्ने भन्नेमा भने ठुलै धर्मसंकट परेको छ ।
जेठा छोरा कृष्णसँग खैरापुरमा बस्दै आएकी सन्तु यसअघि २०५४ सालको स्थानीय निर्वाचनमा नेकपा एमालेको झन्डा बोकेर प्रचारप्रसारमा गएकी कान्छी बुहारी मनरुपाले बताइन् ।
दाजुभाइबीचको चुनावी लडाइँबीचमा यी आमा अहिले सङ्कटमा छिन् । ‘दाजुभाइवीचको चुनावी लडाइँमा म आमालाई नपारेको भए हुने थियो’, उनले भनिन् । त्यसो त दुवै छोराले उम्मेदवारको टिकट पाएकोमा खुसी मिलेको छ यी आमालाई ।
आफ्ना पति र जेठाजू दुवैजना फरक पार्टीबाट उठेकोमा परिवारका सबैजनाले अफ्ठयारो महसुस गरेको उनी बताउँछिन् । पारिवारिक सम्बन्ध नराम्रो नभए पनि दुई भाइवीचको चुनावी प्रतिस्पर्धामा जीवनसाथीको नाताले पतिलाई मतदान गर्नुपर्ने बाध्यता रहेको उनी बताउँछिन् ।
सहोदर दाजुभाइ एकअर्काका प्रतिस्पर्धी हुँदा परिवारका अन्य सदस्य र नजिकका आफन्तहरूलाई पनि कसलाई मतदान गर्ने भन्नेमा निककै समस्या परेको उनीहरूको भनाई छ ।
नेपाली काङ्ग्रेसका तर्फबाट वडाअध्यक्षका उम्मेदार कृष्णले दुई दाजुभाइ भए पनि पार्टीको सिद्धान्त फरक हुनाले दुवै भाइ एकै क्षेत्रबाट उठेको बताए । उनले आफूहरूले बाहिर राजनीति गरे पनि घरमा भाइभाइबीच फरक मत नरहेको बताए । ‘फरक सिद्धान्तको पार्टीमा भए पनि दुवै भाइको सम्बन्ध सुमधुर छ’, उनले भने ।
प्रतिस्पर्धी बनेर उठ्ने इच्छा नभए पनि पार्टी र कार्यकर्ताले दिएको जिम्मेवारी बहन गर्न आफूले उम्मेदवारी दिएको उनले बताए । आफ्नो वडामा कृष्णसार संरक्षण, नदी नियन्त्रण लगायत गर्नुपर्ने धेरै काम गतिलो नेतृत्व अभावमा पछाडि परेको उनको भनाई छ ।
‘यसअघि धेरैपटक भाइलाई केही गर्ला भनेर अगाडी सारियो’, उनले भने ‘तर विभिन्न नेतृत्वमा रहेपनि भाइ व्यक्तिगत स्वार्थमै लिप्त भयो ।’
अहिले सिंहदरबारको अधिकार स्थानीय तहमा पुर्याउने कार्यमा असल नेतृत्व भएन भने जनताले दुःख पाउने ठानेर आफूले उम्मेदारी दिएको बताउँदै जित पनि सुनिश्चित रहेको दाबी गरे ।
उता नेकपा एमालेको तर्फबाट सोही पदमा चुनाव लडिरहेका भाइ टंकले आफू २०३६ सालदेखि जनतासँग नजिक रहेर काम गरेकाले आफ्नो जित हुने बताए ।
‘निर्वाचनको दिन बिरामी भएर मत हाल्न नसकेको भए हुने थियो’, उनले गम्भीर हुँदै भनिन्, ‘मेरो लागि दुवै छोरा बराबर हुन्, कसलाई नजिकको ठानेर मत दिनु, मेरो आत्मा रोइरहेको छ ।’
आमा दाजुसँग बसेपनि विगतदेखि एमालेको झन्डा बोकेर हिँड्ने भएकाले मत भने आफूलाई नै दिने उनको विश्वास छ । नेकपा एमालेको सरकारले वृद्धभत्ता लगायत विभिन्न काम गरेकाले आमाले आफूलाई मत दिने उनको भनाई छ ।
एकै क्षेत्रबाट उम्मेदवारी दिएकै कारणले भाइ–भाइमा फाटो नआउने उनको भनाइ छ । गाउँका जान्ने सुन्ने र मुख्य अभिभावक दुवैजना उम्मेदवार भएपछि परिवारका सदस्यलाई भने उम्मेदवार छान्न समस्या भएको छ ।
परिवारका सदस्यलाई मात्र होइन करिब २ हजार ३ सय मतदाता रहेको वाडमा आफन्त इष्टमित्रलाई पनि कुन् भाइलाई मत दिने कुराले समस्यामा पारेको छ । काराेबारबाट