१७ वैशाख, काठमाडौं । साताको पहिलो दिन आइतबार शेयर बजार १.१९ प्रतिशतले झरेको छ । यो दिन १९.८४ अङ्कले नेप्से ओरालो लागेर परिसुचक १६५०.७८ बिन्दुमा पुगेको छ ।
यो दिन कारोबारमा आएको अधिकान्स समूहको परिसूचक घटेपछि समग्र नेप्से परिसूचक ओरालो लागेको हो । यो दिन १४३ कम्पनीहरुको ६ हजार ७ सय ९४ पटकको व्यापारमा ७२ लाख ४ हजार ६५४ कित्ता शेयर ७८ करोड ५६ लाख ५२ हजार ८१३ रुपैयामा कारोबार भएको छ ।
यो दिन उत्पादनमूलक कम्पनीको १.३९ र अन्य’ समुहको ०.५६ प्रतिशत उकालो लागेको छ भने बाँकी सबै समुहमा रातो पोतिएको छ । यस् दिन बैंकिङको १.३९, होटेलको २.३९, बिकास बैंकको ०.७८, जलविद्युत्को ०.६८, फाइनान्सको १.१६ र बिमाको १.८६ प्रतिशतले ओरालो लागेको छ ।