७ माघ, काठमाडौं । पूर्वाञ्चल ल्युव आयल प्रालि (पिएलओ) १५ बर्ष पुगेको अबसर पार्दै नेपालका पूर्व प्रधानमन्त्री केपी शर्मा ओलीले बुधबार कारखाना अबलोकन गर्नुभएकोछ ।
नेपालमा उत्पादन हुने लुब्रिकेन्टस मध्ये अग्रणी रहेको पिएलओले नेपालमा ८ प्रतिशत बजार हिस्सा ओगटेको कम्पनीका डाइरेक्टर कष्ण प्रसाद दुलालले बताउनुभयो । मोरङको बिराटचोकमा रहेका यस कम्पनीले पिएलओ, मेगा र स्टार ब्राण्डका ९० भन्दा बढी प्रकारका लुब्रिकेन्टस उत्पादन गरिरहेको छ ।
प्रत्यक्ष रुपमा २ सय भन्दा बढीलाई रोजगारी दिइरहेको पिएलओका देशभरमा ७ सय भन्दा बढी डिस्ट्रीब्युटर रहेका छन् । कम्पनिले चालु आर्थिक बर्षमा ५० करोड बढीको कारोबार गर्ने लक्ष्य लिएको डाइरेक्टर दुलालले बताउनुभयो ।
पिएलओको अबलोकन कार्यक्रममा पूर्व संचारमन्त्री शेरधन राइ र पूर्व कानून मन्त्री अग्नी खरेलको पनि उपस्थिती रहनुभएको थियो ।