ई–आर्थिक, काठमाडौं । मेगा बैंक नेपालले सुर्खेतमा नेपाली सेनाका लागि वित्तीय साक्षरता कार्यक्रमको आयोजना गरेको छ । देशका बिभिन्न ठाउँमा वित्तीय साक्षरता कार्यक्रम गर्दै आएको मेगा बैंकले सुर्खेतस्थित नेपाली सेनाको उत्तरपश्चिम तालिम शिक्षालय लेखपर्सामा उक्त वित्तीय साक्षरता कार्यक्रम गरेको हो ।
एक दिवसीय उक्त कार्यक्रममा मेगा बैंक सुर्खेत शाखाका प्रबन्धक बिक्रम थापाले वित्तीय कारोबार, भविष्यको योजना, सुरक्षित बचत, कर्जा तथा विप्रेषणबाट प्राप्त रकमको उत्पादनमुलक लगानी, पारिवारिक बजेट तथा योजना, जोखिम न्यूनीकरणका साथै मेगा बैंकका बचत तथा कर्जा योजना, बैंकको नेटवर्क लगायतका बारेमा जानकारी गराएका थिए ।
कार्यक्रममा नेपाली सेनाका प्रमुख सेनानी विशाल सिंहले सेनालाई वित्तीय साक्षरता सम्बन्धी कार्यक्रम गरी बैंकिङ प्रक्रिया, सेवा, सुविधाका बारेमा जानकारी गराइदिएकोमा धन्यवाद व्यक्त गरे ।
कार्यक्रममा सेनाका बिभिन्न दर्जाका १०० जनाको सहभागिता थियो ।