सप्तरी । सप्तरीको डाक्नेश्वरी नगरपालिका–६, फत्तेपुरबाट प्रहरीले २० क्विन्टल गाँजासहित दुई जनालाई पक्राउ गरेको छ।
जिल्ला प्रहरी कार्यालय सप्तरीबाट नियमित गस्तीमा खटिएको प्रहरी टोलीले आज बिहान स्थानीय भोला सदा र मङ्गल मुखियाको घरमा तलासी गर्दा ठूलो परिमाणमा गाँजा बरामद गरेको केन्द्रीय प्रहरी समाचारकक्षले जनाएको छ।
प्रहरीका अनुसार सदाको घरबाट ५६ पोका र मुखियाको घरबाट आठ पोका गरी जम्मा ६४ पोका गाँजा बरामद गरिएको हो।
घटनाबारे थप अनुसन्धान भइरहेको प्रहरीले जनाएको छ।