काठमाडौं । नेपाली बजारमा सुनचाँदीको मूल्यमा उल्लेखनीय गिरावट आएको छ।
आज सुनको मूल्य प्रतितोला १० हजार १०० रुपैयाँले घटेर २ लाख ९१ हजार ८०० रुपैयाँमा कारोबार भइरहेको छ। हिजो मंगलबार सुन प्रतितोला ३ लाख १ हजार ९०० रुपैयाँमा कारोबार भएको थियो।
नेपाल सुनचाँदी व्यवसायी महासंघ का अनुसार चाँदीको मूल्य पनि घटेको छ। चाँदी प्रतितोला १८५ रुपैयाँले घट्दै आज ४ हजार ७४० रुपैयाँमा खरिद–बिक्री भइरहेको छ। मंगलबार चाँदी प्रतितोला ४ हजार ९२५ रुपैयाँमा कारोबार भएको थियो।
बजार विश्लेषकहरूका अनुसार अन्तर्राष्ट्रिय बजारको उतार–चढाव र मागमा आएको कमीका कारण मूल्यमा तीव्र गिरावट देखिएको हो।