ई-आर्थिक, काठमाडौं । कार्यअनुभवमा कैफियत देखिएपछि नेपाल बीमा प्राधिकरणका अध्यक्ष शरद ओझा निलम्बनमा परेका छन् । उनको कार्यअनुभवको विषयलाई लिएर अख्तियारले प्रश्न उठाएपछि उनी निलम्बनमा परेका हुन्
मन्त्रिपरिषद्को सोमबारको बैठकले प्राधिकरणका अध्यक्ष ओझाको कार्यक्षमता र जिम्मेवारी पालनबारे छानबिन गर्न समिति गठन गरेको थियो ।
साथै, पूर्वन्यायाधीश कृष्ण गिरीको नेतृत्वमा तीन सदस्यीय समिति गठन भएको छ । समितिमा कपिलदेव ओली र जीवनप्रकाश सिटौला सदस्य रहेका छन् । छानबिन समिति गठन भएसँगै अध्यक्ष ओझा स्वतः पदमुक्त भएका छन् ।
बीमा प्राधिकरणको जिम्मेबारी अर्थ मन्त्रालयका सहसचिव सेवन्तक पोखरेलले पाएका छन् ।