ई-आर्थिक, काठमाडौं । काठमाडौंको पुरानो नैकापमा अवस्थित गृहिणी सेवा साकोसले १६ औं स्थापना दिवस मनाएको छ । गृहिणी सेवा बचत तथा ऋण सहकारी संस्था लिमिटेड पुरानो नैकाप भृकुटीनगर, काठमाडौं रहेको छ । गृहणी साकोसले जेष्ठ नागरिक भोजन सेवा कार्यक्रम चन्द्रागिरी स्थित मातातिर्थ बृद्धा आश्रममा मनाएको छ ।
गृहणी साकोसले आफ्नो स्थापनाको अबसरमा काठमाडौं चन्द्रगिरीमा ०६ मा रहेको मातातिर्थ बृद्धा आश्रममा रहेका २४ बृद्धा आमाहरुलाई खाना खुवाउदै स्थापना दिवस मनाएको हो ।
उक्त कार्यक्रममा सहकारी संस्थाकी अध्यक्ष शोभा भट्ट गौतम सहित सञ्चालक सदस्यहरु, कर्मचारीहरु तथा सहकारी संस्थाका सदस्यहरुको उपस्थितीमा बृद्धा आश्रमका २४ जना आमाहरुलाई खाना खुवाउदै कार्यक्रम सम्पन्न गरेको थियो ।
उक्त कार्यक्रममा साकोसले बृद्धा आश्रमका आमाहरुलाई २४,२४ वटा नुहाउने तथा लुगा धुने साबुन लगायतका विभिन्न सामानहरु वितरण गरिएको संस्थाकी अध्यक्ष शोभा भट्ट गौतमले ई-आर्थिकलाई जानकारी दिइन् ।
कार्यक्रममा संस्थाको अध्यक्ष शोभा भट्ट गौतम रहेकी थिइन भने प्रमुख अतिथिमा चन्द्रगिरी नगरपालिका ०६ का अध्यक्ष संजय सिग्देल रहेका थिए । साथै उक्त कार्यक्रमा अन्य अतिथिहरुमा मातातिर्थ बृद्धा आश्रमका प्रमुख राम थापा र व्यवस्थापन सदस्य धर्म महर्जन रहेका थिए ।
