काठमाडौं । नेपाली बजारमा मंगलबार सुनचाँदीको मूल्य घटेको छ।
नेपाल सुनचाँदी व्यवसायी महासंघका अनुसार सोमबार प्रतितोला २ लाख ९२ हजार ८ सय रुपैयाँमा कारोबार भएको छापावाल सुनको मूल्य मंगलबार घटेर प्रतितोला २ लाख ९१ हजार ५ सय रुपैयाँ कायम भएको छ। यसअनुसार सुनको मूल्य एकैदिन प्रतितोला १ हजार ३ सय रुपैयाँले घटेको हो।
त्यसैगरी, चाँदीको मूल्य पनि घटेको छ। सोमबार प्रतितोला ५ हजार १ सय ५० रुपैयाँमा कारोबार भएको चाँदी मंगलबार प्रतितोला ५ हजार ६० रुपैयाँमा कारोबार भइरहेको महासंघले जनाएको छ।
अन्तर्राष्ट्रिय बजारमा आएको उतारचढावसँगै नेपाली बजारमा पनि सुनचाँदीको मूल्य दैनिक परिवर्तन हुँदै आएको छ।