भारतीय सञ्चारमाध्यमका अनुसार राजधानी दिल्लीमा पेट्रोलको मूल्य प्रतिलिटर ८७ पैसा बढेर ९९.५१ भारतीय रुपैयाँ पुगेको छ। त्यस्तै डिजेलको मूल्य पनि प्रतिलिटर ९१ पैसा वृद्धि भई ९२.४९ भारतीय रुपैयाँ कायम भएको छ।
यसअघि मे १९ मा पेट्रोल र डिजेलको मूल्य औसतमा प्रतिलिटर ९० पैसा बढाइएको थियो। त्यसअघि मे १५ मा पनि इन्धनको मूल्य प्रतिलिटर ३ रुपैयाँले वृद्धि गरिएको थियो।
भारतमा लगातार इन्धनको मूल्य बढिरहँदा त्यसको प्रभाव नेपालमा पनि पर्न सक्ने देखिएको छ। नेपालले पेट्रोलियम पदार्थ भारतबाट आयात गर्दै आएको छ। नेपाल आयल निगमले भारतीय आयल कर्पोरेसन (आईओसी) मार्फत पेट्रोल, डिजेललगायत इन्धन खरिद गर्ने भएकाले भारतीय बजारको मूल्य परिवर्तनले नेपालमा प्रत्यक्ष असर पार्ने गर्दछ।
नेपाल आयल निगमका एक सञ्चालक समिति सदस्यका अनुसार भारतमा मूल्य वृद्धि जारी रहे नेपालमा पनि इन्धनको मूल्य समायोजनको दबाब बढ्न सक्छ।