काठमाडौं । नेपाली बजारमा आज शुक्रबार सुनचाँदीको मूल्य घटेको छ। सुन प्रतितोला ४ हजार रुपैयाँले घटेको छ भने चाँदीको मूल्य प्रतितोला ३ सय ५५ रुपैयाँले कमी आएको छ।
नेपाल सुनचाँदी व्यवसायी महासंघ का अनुसार आज छापावाल सुनको मूल्य प्रतितोला २ लाख ९८ हजार ५ सय रुपैयाँ कायम भएको छ। त्यस्तै चाँदी प्रतितोला ५ हजार ३ सय ९० रुपैयाँमा कारोबार भइरहेको छ।
यसअघि बिहीबार सुन प्रतितोला ३ लाख २ हजार ५ सय रुपैयाँमा कारोबार भएको थियो भने चाँदीको मूल्य ५ हजार ७ सय ४५ रुपैयाँ कायम थियो। बुधबार सुन प्रतितोला ३ लाख २ हजार २ सय रुपैयाँ तथा चाँदी ५ हजार ७ सय १० रुपैयाँमा कारोबार भएको महासंघले जनाएको छ।
अन्तर्राष्ट्रिय बजारमा पनि सुनचाँदीको मूल्यमा उतारचढाव देखिएको छ। आज अन्तर्राष्ट्रिय बजारमा एक औँस सुन ४ हजार ६ सय ७८ अमेरिकी डलर तथा चाँदी ८७ अमेरिकी डलरमा कारोबार भइरहेको छ।