काठमाडौं । आज अमेरिका-इजरायल-इरान युद्धको १६ औं दिन हो। यसैबीच, इरानले देशका नयाँ सर्वोच्च नेता मोज्तबा खामेनी पूर्ण रूपमा ठीक र चोटपटकमुक्त रहेको बताएको छ। इरानका विदेशमन्त्री अब्बास अराघचीले खामेनीले आफ्नो कर्तव्य सामान्य रूपमा निर्वाह गरिरहेको बताएका छन्।
यसअघि बेलायती सञ्चारमाध्यम द सनले फेब्रुअरी २८ मा अमेरिका-इजरायली आक्रमणमा मुज्तबा घाइते भएको रिपोर्ट गरेको थियो। त्यसबेलादेखि उनी कोमामा छन् र उनको एउटा खुट्टा काट्नु परेको थियो।
अमेरिकी राष्ट्रपति डोनाल्ड ट्रम्पले पनि मुज्तबा घाइते भएको बताएका छन्, यद्यपि अराघचीले यी दाबीहरूलाई अस्वीकार गरेका छन्।
यसैबीच, ट्रम्पले होर्मुज स्ट्रेटबाट तेल आयात गर्ने देशहरूले पनि यो समुद्री मार्गको सुरक्षाको जिम्मेवारी लिनुपर्ने बताए। उनले यो मार्ग सुरक्षित राख्न अमेरिकाले अन्य देशहरूसँग मिलेर काम गर्ने बताए।
होर्मुज स्ट्रेट विश्वव्यापी ऊर्जा आपूर्तिका लागि एक महत्त्वपूर्ण समुद्री मार्ग हो, जसले विश्वको कच्चा तेल व्यापारको लगभग २० प्रतिशत ओसारपसार गर्दछ।