काठमाडौँ । मेडिकल व्यवसायी दुर्गा प्रसाईंलाई चार दिन हिरासतमा राखेर अनुसन्धान गर्न प्रशासनले अनुमति दिएको छ।
काठमाडौँका प्रमुख जिल्ला अधिकारी ईश्वरराज पौडेलले जिल्ला प्रहरी परिसर काठमाडौँलाई उक्त अनुमति दिएका हुन्।
प्रहरीले प्रसाईंविरुद्ध सार्वजनिक शान्ति सम्बन्धी कसुर र अफवाह फैलाएको आरोपमा अनुसन्धान अघि बढाएको जनाएको छ। उनी सोमबार साँझ भक्तपुरबाट पक्राउ परेका थिए।
यसअघि पनि विभिन्न अभिव्यक्तिका कारण प्रसाईंलाई पक्राउ गरी हाजिर जमानीमा रिहा गरिएको थियो। प्रहरीले आवश्यक अनुसन्धान जारी रहेको जनाएको छ।