काठमाडौं । नेपाली बजारमा हालसम्मकै उच्च विन्दुमा पुगेको सुनचाँदीको मूल्य आज बिहीबार घटेको छ। अघिल्लो दिनको तुलनामा सुनको मूल्य प्रतितोला २ हजार ९ सय रुपैयाँले घट्दा चाँदीको मूल्य प्रतितोला ५० रुपैयाँले ओरालो लागेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ९२ हजार २ सय रुपैयाँमा कारोबार भइरहेको छ। यस्तै, चाँदीको मूल्य प्रतितोला ५ हजार ८ सय ७० रुपैयाँ तोकिएको छ।
यसअघि बुधबार सुन प्रतितोला २ लाख ९५ हजार १ सय रुपैयाँ र चाँदी प्रतितोला ५ हजार ९ सय २० रुपैयाँमा कारोबार भएको थियो। उक्त मूल्य नेपाली बजारमा हालसम्मकै उच्च स्तरमा पुगेको मानिन्छ।
अन्तर्राष्ट्रिय बजारमा भने सुनचाँदीको मूल्य उच्च नै रहेको छ। अन्तर्राष्ट्रिय सञ्चारमाध्यमहरूका अनुसार आज विश्व बजारमा सुन प्रतिऔँस ४ हजार ६ सय ९५ अमेरिकी डलर र चाँदी प्रतिऔँस ९५ अमेरिकी डलरमा कारोबार भइरहेको छ।