भेनेजुएला । भेनेजुएलाको सर्वोच्च अदालतले राष्ट्रपति निकोलस मादुरो अनुपस्थित रहँदा उपराष्ट्रपति डेल्सी रोड्रिगेजलाई अन्तरिम राष्ट्रपतिको रूपमा कार्यभार सम्हाल्न अनुमति दिएको छ ।
समाचार एजेन्सी रोयटर्सका अनुसार सर्वोच्च अदालतले रोड्रिगेजलाई अन्तरिम राष्ट्रपतिको जिम्मेवारी दिनु आवश्यक भएको उल्लेख गर्दै यसले प्रशासनिक निरन्तरता कायम राख्न र देशको सुरक्षा सुनिश्चित गर्न मद्दत पुग्ने ठहर गरेको छ ।
यसअघि भेनेजुएलाको उच्च अदालतले डेल्सी रोड्रिगेजलाई जिम्मेवारी सुम्पने निर्णय प्रशासनिक आवश्यकतालाई ध्यानमा राखेर गरेको समाचारमा जनाइएको छ ।
अहिलेसम्म नेतृ रोड्रिगेजले कार्यभार ग्रहण गर्ने विषयमा थप विवरण सार्वजनिक भएको छैन ।