काठमाडौं । नेपाल प्रहरीमा जनपद प्रहरी समूहतर्फका पाँच जना प्रहरी वरिष्ठ उपरीक्षक (एसएसपी) लाई प्रहरी नायव महानिरीक्षक (डीआईजी) पदमा बढुवाका लागि सिफारिस गरेको छ। गृह मन्त्रालय अन्तर्गत बढुवा समितिको सचिवालयको २०७९ कात्तिक ९ गते बसेको बैठकको निर्णयअनुसार सो सूची सार्वजनिक गरिएको हो। यी पाँच जना प्रहरी वरिष्ठ उपरीक्षकहरूलाई जनपद प्रहरी समूहभित्रका दरबन्दीअनुसार प्रहरी नायव महानिरीक्षक पदमा बढुवाका लागि सिफारिस गरिएको हो।
गृह मन्त्रालयद्वारा जारी सूचना अनुसार प्रहरी नियमावली, २०७१ (संशोधन सहित) को नियम २७ (४) बमोजिम बढुवा सिफारिस सूची प्रकाशित अनुसार जनपद प्रहरी समूहतर्फ बढुवाका लागि सिफारिस भएका पाँच जना एसएसपीमा भुपेन्द्र खत्री, सानुराम भट्टराई, ओम अधिकारी, शेखर खनाल र अविनारायण काफ्ले सिफारिस भएका हुन्। उनीहरू सबै २०५६ सालमा प्रहरी निरीक्षकमा भर्ना भएका थिए।
एसएसपीमा एक नम्बरमा रहेका प्रहरी वरिष्ठ उपरीक्षक (एसएसपी) विश्वराज अधिकारी डीआईजी बढुवामा बढुवामा परेनन् ।
विश्वराज अधिकारी जेनजी आन्दोलनका बेला काठमाडौं प्रहरी प्रमुखको जिम्मेवारीमा थिए र आन्दोलनको सुरक्षात्मक व्यवस्थापनमा आलोचना खेपेका थिए। सरकार परिवर्तनपछि उनलाई सो जिम्मेवारीबाट हटाइएपछि हालको बढुवामा पनि नाम समावेश गरिएको छैन। बाँकी बढुवा भने प्रहरी वरिष्ठ उपरीक्षकहरूको स्थायी वरियताक्रमका आधारमै गरिएको बताइएको छ।
उनी जेनजी आन्दोलनमा सुरक्षामा असफल भएको कारण पहिलो स्थानमा भए पनि बढुवामा परेनन्। अधिकारी बढुवामा नपरेपछि क्रम अनुसार दोस्रोदेखि छैटौं स्थानमा रहेका एसएसपीहरू — बढुवाको सिफारिस गरिएको छ ।
