ई-आर्थिक, काठमाडौं । नेपाल बीमा प्राधिकरणको रिक्त संचालक समिति अध्यक्ष पदमा आन्तरिक राजस्व विभागका उपमहानिर्देशक जनकराज शर्मालाई जिम्मेवारी तोकिएको छ।
जनकराज शर्माले आज शुक्रबार अर्थमन्त्री रामेश्वर खनालसमक्ष पद तथा गोपनीयताको सपथ लिएका हुन् । उनलाई नेपाल सरकार मन्त्रिपरिषद्को असोज ९ गतेको बैठकले सो पदमा नियुक्त गर्ने निर्णय गरेको थियो।
नवनियुक्त अध्यक्ष शर्माले आजै पद वहाली गर्ने कार्यक्रम रहेको छ।
यस नियुक्तिपछि जनकराज शर्माले बीमा क्षेत्रमा थप विकास र सुधारको पहल गर्ने अपेक्षा गरिएको छ।