ई-आर्थिक, काठमाडौं । जेनजी आन्दोलनको क्रममा निधन भएका जेनजीको सहिदहरुको आज राजधानीमा शवयात्रा निकालिएको छ। शवयात्रामा ऊर्जा, जलस्रोत तथा सिंचाई मन्त्री कुलमान घिसिङ र भौतिक पूर्वाधार तथा यातायात तथा गृहमन्त्री ओमप्रकाश अर्यालले पनि उपस्थिति जनाएका छन् ।
द्वयमन्त्रीहरुले शोकसन्तप्त परिवारजनसँग समवेदना प्रकट गर्दै, दिवंगत जेनजीप्रति श्रद्धाञ्जली अर्पण गरेका थिए । उनीहरूले आन्दोलनमा ज्यान गुमाएका नागरिकको सम्मानमा सरकार गम्भीर रहेको भन्दै आवश्यक अनुसन्धान र न्याय सुनिश्चित गर्न प्रतिबद्धता जनाए।
उर्जामन्त्री घिसिङले आन्दोलनको क्रममा ज्यान गुमाउनेहरूप्रति गहिरो समवेदना व्यक्त गर्दै, सरकारले घटनाको गम्भीरता पूर्वक मूल्याङ्कन गर्ने र आवश्यक कदम चाल्ने प्रतिबद्धता जनाएका छन्।
शवयात्रामा स्थानीय बासिन्दा, सामाजिक अभियन्ता तथा विभिन्न राजनीतिक दलका प्रतिनिधिहरूको उल्लेखनीय उपस्थिति रहेको थियो। मन्त्री घिसिङको उपस्थिति मृतकका परिवारजन र स्थानीयहरूका लागि संवेदनशीलताको प्रतीकका रूपमा लिइएको छ।