ई-आर्थिक, काठमाडौं । नेपाली बजारमा सुनको मूल्यले नयाँ रेकर्ड कायम गरेको छ। नेपाल सुनचाँदी व्यवसायी महासंघले शुक्रबार सार्वजनिक गरेको मूल्यसूची अनुसार छापावाल सुनको मूल्य तोलामा **२ लाख १५ हजार ८०० रुपैयाँ पुगेको छ।
यसअघि बिहीबार तोलाको दर २ लाख १४ हजार ७०० रुपैयाँ रहेको थियो।
महासंघका अनुसार चाँदीको मूल्यमा समेत वृद्धि भएको छ। बिहीबार तोलाको दर २ हजार ५०५ रुपैयाँ रहेकोमा शुक्रबार बढेर २ हजार ५६५ रुपैयाँ पुगेको छ।
बजार विश्लेषकहरूका अनुसार अन्तर्राष्ट्रिय बजारमा देखिएको उतारचढाव तथा डलरको भाउमा आएको परिवर्तनका कारण सुनचाँदीको मूल्यमा यस्ता उतारचढाव देखिएका हुन्।