नेपाल–भियतनाम कूटनीतिक सम्बन्धको ५० वर्ष
ई-आर्थिक, काठमाडौं । नेपाल–भियतनाम कूटनीतिक सम्बन्ध स्थापनाको ५० वर्ष पुगेको अवसरमा समाजवादी गणतन्त्र भियतनामकी उपराष्ट्रपति भो थि आन सुआन नेपालको औपचारिक भ्रमणमा आएकी छिन् ।
उपराष्ट्रपति रामसहायप्रसाद यादवको निमन्त्रणामा उपराष्ट्रपति सुआन शुक्रबार काठमाडौं आइपुगेकी हुन् । भ्रमणको क्रममा उपराष्ट्रपति सुआनले आज आइतबार प्रधानमन्त्री केपी शर्मा ओलीसँग सिंहदरबारमा शिष्टाचार भेट गर्नुभएको छ। भेटमा दुई देशबीचको ऐतिहासिक सम्बन्ध, आपसी सहकार्य र आर्थिक तथा सांस्कृतिक क्षेत्रको सहकार्य विस्तारबारे छलफल भएको बताइएको छ।
भेटका क्रममा प्रधानमन्त्री ओलीले नेपाल र भियतनामबीचको सम्बन्ध पारस्परिक सम्मान, सहयोग र समानताको आधारमा मजबुत हुँदै गएको बताउँदै भविष्यमा अझ घनिष्ट साझेदारीको अपेक्षा व्यक्त गरे।
यसअघि उपराष्ट्रपति यादव र भियतनामी उपराष्ट्रपति सुआनबीच पनि छुट्टै भेटवार्ता सम्पन्न भएको थियो। त्यस्तै, उपराष्ट्रपति सुआनले परराष्ट्रमन्त्री डा. आरजु राणा देउवासँग पनि भेट भयो ।
चार दिने भ्रमण सम्पन्न गरी भियतनामी उपराष्ट्रपति भो थि आन सुआन सोमबार स्वदेश फर्किने कार्यक्रम रहेको छ।
यस भ्रमणले नेपाल–भियतनाम सम्बन्धमा नयाँ ऊर्जा थप्ने विश्वास गरिएको छ।