ई-आर्थिक, काठमाडौं । बैंकिङ कसुरको आरोपमा लुम्बिनी प्रदेशसभा सदस्य सुमन शर्मा विरुद्ध पक्राउ पुर्जी जारी भएको छ ।
गत जेठ १६ गते जिल्ला अदालत पर्साले उनलाई विरुद्ध पक्राउ आदेश जारी गरेपछि पर्सा प्रहरीले असार ३ गते बर्दिया प्रहरीलाई पत्र लेखी रायमाझीलाई पक्राउ गरी बुझाइदिन अनुरोध गरेको हो ।
प्रहरीको पक्राउ पुर्जी भने आइतबार मात्रै सार्वजनिक भएको हो । सुमन हालसम्म फरार रहेको र उनको खोजी जारी रहेको प्रहरीले जनाएको छ । सासद शर्माविरुद्ध उनकै पार्टीकी नेतृ आशाकुमारी चौहानले उजुरी दिएकी हुन् ।
सुमनले साढे पाँच लाख रुपैयाँ सापटी लिएकी थिइन् भने रकम फिर्ता गर्न विभिन्न चेकहरु दिएकोमा सबै चेक बाउन्स भएपछि आशाले जिल्ला प्रहरी कार्यालय पर्सामा उजुरी दर्ता गरेकी हुन् । उनलाई चेक अनादर र आधा बैङ्किङ कसुरअन्तर्गत मुद्दा दायर गरिएको छ ।
उनी जनमत पार्टीको तर्फबाट लुम्बिनी प्रदेशसभा सदस्य हुन् ।