ई-आर्थिक, काठमाडौं । रिलायबल नेपाल लाइफ इन्स्योरेन्सको लाभांश सुरक्षित गर्ने आज आइतबार अन्तिम दिन हो।
कम्पनीले साधारण सभा प्रयोजनका लागि भोलि जेठ २६ गते बुक क्लोज गर्ने निर्णय गरेकाले आजसम्म शेयर किन्नेलाई मात्र लाभांश प्राप्त हुनेछ।
कम्पनीले आर्थिक वर्ष २०७९/८० को नाफाबाट शेयरधनीलाई १२ प्रतिशत बोनस सेयर र सो बोनसमा लाग्ने कर तिर्न ०.६३ प्रतिशत नगद गरी कुल १२.६३ प्रतिशत लाभांश वितरण गर्ने प्रस्ताव गरेको छ।
उक्त प्रस्ताव पारित गर्न कम्पनीको आठौं वार्षिक साधारण सभा असार २ गते काठमाडौंको आम्रपाली बैंक्वेट, भाटभटेनीमा बिहान ११ बजे बस्नेछ। सभामा आर्थिक वर्ष २०८०/८१ को वार्षिक प्रतिवेदन, नाफा–नोक्सान विवरण तथा नगद प्रवाह लगायतका विषयमा समेत छलफल हुने जानकारी दिइएको छ।
साधारण सभामा भाग लिन तथा लाभांश प्राप्त गर्न चाहने शेयरधनीहरूले आजसम्म आफ्नो नाम दर्ता गराइसक्नुपर्नेछ।