ई-आर्थिक, काठमाडौं । चालु आर्थिक वर्ष २०८१/८२ को फागुनसम्म ४७ खर्ब ६५ अर्ब ८९ करोड रुपैयाँ बराबरको कुल लगानी स्वीकृत भएको छ।
अर्थमन्त्री विष्णु पौडेलले बिहीबार संघीय संसद्मा प्रस्तुत गरेको आर्थिक सर्वेक्षण प्रतिवेदनअनुसार स्वीकृत कुल लगानीमध्ये ६८.१५ प्रतिशत उद्योग विभागमार्फत र ३१.८५ प्रतिशत लगानी बोर्ड नेपालमार्फत स्वीकृत भएको हो।
२०८१ सालको फागुनसम्म लगानी बोर्ड नेपालबाट मात्र १५ खर्ब १७ अर्ब ८२ करोड रुपैयाँ बराबरको लगानी स्वीकृत गरिएको छ। यसमध्ये चालु आवको फागुन मसान्तसम्म १ खर्ब ४१ अर्ब १५ करोड रुपैयाँको लगानी स्वीकृति दिइएको छ।