ई-आर्थिक, काठमाडौं । कागेश्वरी मनोहरा नगरपालिकाले नयाँ सेवाको अवधारणा ल्याएको छ ।
नगरपालिकाले एकिकृत सेवाको अवधारणा अन्तर्गत, सबै शाखा प्रमुखहरूलाइ एउटै राउण्ड टेबलमा बसेर सेवा प्रदान गर्ने नयाँ कार्य प्रणाली सुरु गरेको नगर प्रमुख उपेन्द्र कार्कीले ई-आर्थिकलाई जानकारी दिए ।
यसले सुलभ, छरितो र प्रभावकारी सेवा प्रवाह लाई संस्थागत बनाउने दिशामा महत्वपूर्ण पाइला चालेको मेयर कार्कीको भनाई छ ।
जनतालाई नजिकबाट, सजिलो तरिकाले सेवा दिने यो प्रयास सुशासन पारदर्शी र जनउत्तरदायी प्रशासन निर्माणतर्फको ठोस कदम रहेको उनले बताए ।
‘जनताको चाहना योजना मात्रै होइन, कर्मशील सेवा र समर्पणबाट साकार हुन्छ। जनतालाई नजिकबाट, सजिलो तरिकाले सेवा दिने यो प्रयास सुशासन पारदर्शी र जनउत्तरदायी प्रशासन बनाउनु हाम्रो उद्देय हो’ उनले भने ।
नगरपालिका जनमैत्री सेवा केन्द्र बनाउन विशेष योजना ल्याएको उनले बताए ।
यो सेवा प्रणाली निरन्तर रहने नगरपालिकाको भनाई छ । एकिकृत सेवा प्रदान कार्यलयको सुरु भएको समयदेखि खाजा समयसम्म हुन्छ भने खाजाको समयपछि सम्बन्धित शाखाबाट सेवाहरु प्रदान गरिने मेयर कार्कीले जानकारी दिए ।
एकिकृत सेवाबाट सेवाग्राहीले झन्झट तथा सहजरुपमा कामहरुको सुविधा लिन सक्नेमा नगरपालिकाले विश्वास लिएको छ ।