दुई करोड ५५ लाख रुपैयाँ जरिवाना
ई-आर्थिक, काठमाडौं । नेपाल विद्युत प्राधिकरणका पूर्व सहायक प्रबन्धक ध्रुव कुमार उप्रेती पक्राउ परेका छन् । उनी भ्रष्टाचार मुद्दामा फरार रहेका थिए ।
उनलाई वनस्थलीबाट आइतबार पक्राउ गरिएको केन्द्रीय अनुसन्धान ब्युरोका प्रवक्ता प्रहरी उपरीक्षक सुधीरराज शाहीले जानकारी दिए ।
उनलाई भ्रष्टाचार गरी गैरकानुनी रूपमा सम्पत्ति आर्जन गरेको विरुद्ध सर्वोच्च अदालतले गत मंसिर १२ गते दोषी ठहर गरेको थियो। अदालतले उनलाई दुई करोड ५५ लाख १६ हजार ४८३ रुपैयाँ जरिवाना र ६ महिना कैदको फैसला गरेको थियो ।
अदालतले उनलाई डिल्लीबजार कारागार चलान गरेको ब्युरोका प्रहरी उपरीक्षक शाहीले बताए।