ई-आर्थिक, काठमाडौं । प्रहरीले त्रिभुवन अन्तर्राष्ट्रिय विमानस्थलबाट पौने चार किलो सुनसहित चार जनालाई पक्राउ गरेको छ।
त्रिभुवन अन्तराष्ट्रिय विमानस्थलबाट पौने ४ किलो सुनसहित ४ जना विदेशी नागरिकहरु पक्राउ परेका हुन् । पक्राउ पर्नेमा तीन महिला र एक पुरुष रहेका छन् ।
पक्राउ परेकाहरु उज्बेकिस्तानका रहेका छन् । फ्लाई दुबईको एफजेएड ५७५ उडानबाट उनीहरु त्रिभुवन अन्तर्राष्ट्रिय विमानस्थलमा ओर्लिएका थिए । उनीहरुमाथि अनसुन्धान भइरहेको छ ।
बुधबार राति फ्लाइ दुबईबाट नेपाल आएका उज्बेकिस्तान नागरिकले मलद्वारमा लुकाएर ल्याएको तीन किलो ७४५ ग्राम सुनसहित उनीहरूलाई पक्राउ गरेको प्रहरीले बताएको छ ।
तीन महिलाले मलद्वारमा डल्लो बनाएर ल्याएका थिउ तर पुरूषको साथबाट भने केही बरामद नभएको प्रहरीले बताएको छ। उनीहरूमाथि अनुसन्धान भइरहेको प्रहरीले बतायो ।