ई-आर्थिक, काठमाडौं । नेपाल निर्माण व्यवसायी महासंघले आन्दोलन गर्ने भएको छ ।निर्माण उद्योगका समस्या समाधानका लागि तत्काल उच्चस्तरीय आयोग गठन गर्न माग नेपाल निर्माण व्यवसायी महासंघले निर्माण उद्योगप्रतिको सरकारी उदासिनताबिरुद्ध निर्णायक आन्दोलनका लागि पुस २७ राष्ट्रिय भेला गर्ने भएको हो ।
महासंघले निर्माण उद्योगप्रतिको सरकारी उदासिनताबिरुद्ध पुस २७ गते निर्णायक आन्दोलनका लागि राष्ट्रिय भेला—२०८१ आयोजना गर्ने जनाएको हो ।
महासंघका महासचिव रोशन दाहालले भेलाको आदेशअनुसार आन्दोलनका चरणवद्ध कार्यक्रमहरु गर्ने चेतावनी दिएका छन् ।
उनले निर्माण व्यवसायीहरुले निर्माण कार्य गरेबापतको विगत आर्थिक वर्षहरुमै भुक्तानी हुनुपर्ने वक्यौता रहेको ठूलो रकम अझै भुक्तानी नहुँदा निर्माण व्यवसायीहरुमा विकराल अवस्था सिर्जना भएको बताएका छन् ।
सरकारले निर्माण व्यवसायीको ५० अर्ब बक्यौता दिएको छैन् ।