ई–आर्थिक, काठमाडौं । सहकारी ठगी आरोपमा चन्द्रागिरि नगरपालिका –१२ का अध्यक्ष न्हुच्छेबहादुर महर्जन पक्राउ परेका छन् । उनलाई सहकारी ठगीको आरोपमा प्रहरीले पक्राउ गरेको जानकारी दिएको छ ।
ठमेलस्थित हरियाली बचत तथा ऋण सहकारी संस्थाको रकम हिनामिना गरेको आरोपमा उनलाई पक्राउ गरिएको हो ।
प्रहरी वृत्त सोह्रखुट्टेको टोलीले उनलाई पक्राउ गरेको जिल्ला प्रहरी परिसर काठमाडौंले जानकारी दिएको छ ।
उनी उक्त सहकारीका कोषाध्यक्ष हुँदा संस्थाको रकम हिनामिना गरेको आरोपमा लागेको छ ।