ई–आर्थिक, काठमाडौं । बुद्ध एयरले पोखरा विमानस्थलबाट सञ्चालन हुने आन्तरिक तथा वाह्य उडानका लागि ‘ग्राउण्ड ह्याण्डलिङ’ माग गरेको छ । एयरले उक्त ग्राउण्ड ह्याण्डलिङको माग गर्दै बुद्ध एयरले नागरिक उड्डयन प्राधिकरणमा निवेदन दिएको छ । पोखरा अन्तर्राष्ट्रिय विमानस्थलमा जनवरी १ बाट उडान सुरु हुनेगरी बुद्ध एयरले सम्पूर्ण आन्तरिक तयारी गरिसकेको जनाएको छ ।
यो अन्तर्राष्ट्रिय विमानस्थल जनवरी १ बाट सञ्चालनमा ल्याउने तयारी छ । बुध्द एयरले यस अन्तर्राष्ट्रिय विमानस्थलबाट सुरुवातमै पाँच वटा विमान रात्रि बिसान गरी उडान भर्ने कार्यतालिका बनाएको छ । जसमा हरेक दिन नेपालगञ्ज, भैरहवा, भरतपुर र भद्रपुरबाट आन्तरिक उडान गर्नेछ । अन्तर्राष्ट्रिय तर्फ साताको तीन दिन भारतको बनारस उडान गर्नेछ ।
यसैगरी कम्पनीले दैनिक २ पटक भारतको नयाँ दिल्ली र साताको ३ दिन देहरादुन उडान अनुमतिका लागि सम्बद्ध नियामकसमक्ष निवेदन दिएको छ । बुध्द एयरले देशैभर आफ्नो गन्तव्यमा आफैले ग्राउण्ड ह्याण्डलिङ गर्दै आएको छ ।