ई–आर्थिक, काठमाडौं । शताब्दी पुरुष सत्यमोहन जोशीको निधनमा शोक व्यक्त गर्दै सरकारले सार्वजनिक विदा दिने भएको छ ।
सरकारका एक मन्त्रीले जोशीको निधनमा शोक व्यक्त गर्दै सरकारले सार्वजनिक विदा दिने निर्णय गर्ने बताए । यसबारेमा सरकारले भने आधिकारिक निर्णय सार्वजानिक गरिसकेको छैन ।
आइतबार दिउँसो ललितपुर महानगरपालिका परिसरमा जोशीलाई अन्तिम श्रद्धाञ्जली दिन पुगेका मन्त्री जीवनराम श्रेष्ठले पत्रकारहरुसँगको कुराकानीमा आफूले एक दिन विदा दिन प्रधानमन्त्री शेरबहादुर देउवासँग छलफल गरेको बताए ।
नेपाली वाङ्मयिक संस्कृतिको सुकीर्ति फैलाउने अविश्रान्त साधक, नेपाली भाषा, साहित्य, कला, सम्पदा र संस्कृतिका शिखर व्यक्तित्व, शताव्दीजीव सत्यमोहन जोशीको आज विहान ७ निधन भएको थियो । उहाँले पुर्याउनु भएको अतुलनीय योगदान राष्ट्र र समाजका लागि अविष्मरणीय रहनेछ ।
नेपाली संस्कृति, साहित्य र वाङ्मयका अथक साधक श्रद्धेय जोशीप्रति ई–आर्थिक परिवारको तर्फबाट हार्दिक श्रद्धाञ्जली व्यक्त गर्दछौं ।
