ई–आर्थिक, काठमाडौं । नेपाल प्रहरीको जनपद प्रहरी समूहतर्फ १७ प्रहरी वरिष्ठ उपरीक्षक (एसएसपी) बढुवा हुने भएका छन् । बढुवा समितिको बैठकले १७ एसएसपीलाई प्रहरी नायव महानिरीक्षक डिआइजी पदमा बढुवाका लागि सिफारिस गरिएको छ ।
बढुवा समितिको बैठकले प्रहरी नियमावली, २०७१ संशोधन सहितको नियम २७ को उपनियम ९४० अनुसार १७ एसएसपीलाई डिआइजी पदमा बढुवाका लागि सिफारिस गरिएको बढुवा समितिका एक सदस्यले जानकारी दिए ।
सिफारिस भएकामध्ये पहिलो नम्बरमा वसन्तबहादुर कुँवर, दोस्रोमा टेकप्रसाद राई, तेस्रोमा अशोक सिंह, चौथोमा दीपक थापा र पाँचौँमा श्यामलाल ज्ञवाली छन् ।
त्यस्तै किरण बज्राचार्य, सन्दीप भण्डारी, सुदीप गिरी, मीरा चौधरी, टेकबहादुर तामाङ, उमेशराज जोशी, भीमप्रसाद ढकाल, रामदत्त जोशी, पोषराज पोखरेल, बुद्धिराज गुरुङ, दुर्गा सिंह र किरण राणालाई पनि डिआइजी बढुवाका लागि सिफरिस गरिएको सो स्रोतले जानकारी दिएको छ ।