ई–आर्थिक, काठमाडौं । प्राइफ लाइफ इन्स्योरेन्स कम्पनी लिमिटेडका स्वतन्त्र सञ्चालक राजेन्द्र काफ्लेको निधन भएको छ । कोरोना संक्रमणका कारण उनको निधन भएको हो । कोरोना संक्रमित काफ्लेको केही दिन अघि देखि शिक्षण अस्पतालमा उपचार गराइरहेका थिए । सोही अस्पतालमा उनको निधन भएको समाचार स्रोतले जानकारी दिएको छ ।
२०४४ सालमा कर्मचारी सञ्चयकोषमा प्रवेश गरेका काफ्ले कर्मचारी संचय कोषका पूर्व सह प्रशासक थिए । उनी गत वर्ष मात्रै सेवा निवृत्त भएका थिए । सेवा निवृत्त भए पछि उनि गत असोज २० गते प्राइम लाइफको स्वतन्त्र सञ्चालकमा नियुक्त भएका थिए ।